Версия для слабовидящих Последний номер: 21 Марта 2024 года
16+
газета республики Коми

Мозын, Мозын

0 1705 Общество

Мозын, Мозын,
Паськыд эзысь вöнь!
Тэнö мичлуннас мöд ю ордъяс öм?!
Олiм, волiм ми
Кослан школаö,
Ыджыд удж вылö сэнi бордъясим.
Тöдса местаяс,
Муслун пестысьяс,
Миян батьяслöн чужан гортъясыс.
Танi гöрддзасьлiс
Первой радейтчöм.
Аддзим нэм кежлö вернöй ёртъясöс.
Бордъяс ёнмисны
Коми зонъяслöн.
Ылi туйясöд гортсьыс мунiсны,
Сосъяс пуджöмöн
Мырсям-уджалам,
Эскам чорыда шуда лунъясö.
Вояс лэбасны,
Чинас эбöсным.
Шогны, элясьны, бöрдны? Колö-ö?
Лёксьыс öлöдан,
Бурö велöдан.
Аттьö таысь тэд, дона школаöй!

Владлен Крюков

"Выль туйöд" № 24 (6598), 1990-öд во, февраль 24-öд лун. Снимок вылын Кослан школалöн важся стрöйбаыс. Снимокыс Косланса школалöн сайтысь http://ksosh.ru/?layout=edit&id=54

Выборы